EMÊ BÊN

Emê bên rojekê… emê bên
Bila hay jê hebe bayê felekê
Di sariya bi dengê kevokurkekê de
Wekî cemeda tenik a li ser berfa beroj
Xwe ji hertiştê xwînî pak bikin û bên
Nuqut bi nuqut bihelin li ber tîrêjên tavê
û ber bi dilê we biherikin û bên
emê bi zeriya şevê re
li bin dara tûyê xunaviya pelan bêhn bikin
Wê kêlîkê li bendî gûrrîna bêtikan bin emê bên
bi tevlihevbûna naqos û banga melê re
We bi xwe bihesînin û bên.
Emê roniya paş ewrên tahl bikin diyarî
Û di keviya pencereya we re bera hundur din
Bi tûrikê mêşinî yê bi dilan hûnandî
Bi ken û xilmaşbûna zarokê dergûşê re emê bên
emê bên wekî di xewna we de bi ken û şahî.
M.Çiya Mazî
Berfanbar 2012

Havîn
Ey havîna mirin û azadiyê !
Tu sar û germ dikî bi hev re dilê min
Dinya ji min û te re mezin e
Min ji te stendiye fersenda hêviyê
Tu hez dikî Cengîz bî hez dikî Fîr’ewn
Û hez dikî Îskender, ne xem e.
M.Çiya Mazî
24.7.2013